無限追加任食雞煲加超可愛火鍋湯底

 

唔知道係咪新店開張特別多優惠呢😆
放左工同左幾個同事食位於灣仔店的新南苑食雞煲同打邊爐！
這裡環境好特別，有很多門口用了學校主題的vip 房😆😆
有美術室，電腦室，運動室非常有趣。
牆壁上也有很多人手畫的壁畫好有特色
而且每間vip 房都可以打通！有幾多人都唔怕冇位👏🏻
坐位低下也很貼心有儲存個人物品的地方！
唔怕外套、背包一陣味😁

●麻辣雞煲
原來依加做緊promotion 惠顧海鮮火鍋半放題套餐，
有3個人以上就有得免費食雞煲！仲要無限追加😋
同咪呢到個雞煲特別之處就係佢配咪個油炸鬼一齊食。
每2分鐘撈一撈，撈3次即係6分鐘，
最後再加咪個油炸鬼落去一齊煮！
脆扑扑咁好特別！
我地叫左個小辣雞煲，辣味啱啱好，容易入口，入口後麻辣的感覺非常過癮😋好正

食完雞煲就轉食火鍋！我哋叫咗個新鮮蟹鍋花甲湯底！
湯底過到來嘅時候真係比佢地surprise左！
有隻用南瓜蓉製成的小鴨鴨公仔係個鍋入面！勁kawaii😆😆
好似灣仔店先有，灣仔店限定！我都係第一次見咁有趣的湯底造型！
而且湯底材料絕對唔兒戲，用料十足而且味道鮮甜😋
加上有任飲任食火鍋配料同飲料！

套餐配咪海鮮拼盤，有7種唔同既海鮮
有鮑魚、聖子、生蠔、帶子等！味道唔錯，幾鮮甜爽口😋

套餐仲有手切牛頸脊，脂肪分布均勻！
食落滿滿嘅油脂香，牛味非常濃郁！
同咪又做緊任食優惠👍🏼👍🏼👍🏼太正了吧😆

呢到除左雞煲同火鍋之外仲有小炒食😋
避風塘炒蟹超野味🦀
芝士焗生蠔又新鮮又好味😋😋
咁多種類真係好小店會有架👍🏼

食到最後都已經好飽！差點忘記仲有甜品食！
3.6牛乳奶凍，濃郁牛奶味又唔會太甜！very good😁

我哋去呢度嘅原因係因為有海鮮食之除，
仲有雞煲食，食完個雞煲仲可以食咪個火鍋！
性價比高，價錢合理
而且新店開張多多優惠👍🏼
服務都非常好，時不時就會同你換碟❤️
9:30後貓頭鷹時段入坐仲可以再平d!
冇記錯好似係$222一個人，包咪加一、醬油同前菜👏🏻
好抵！真心講一定要試試😋

不一樣的-新派上海fusion菜

對於一個藝文青來說
環境是非常重要的！
這間食上海菜的龍門一番就岩哂我口味😁
裝修很有風格，仲用了我最愛的粉色系列，
幾何圖形嘅設計真係可以令我影到好多靚相。而且坐位舒服唔逼夾！如果不說這間是吃上海菜的，我還會以為這裡是coffee shop。
不過來食最好book 位
因為我8:30來已經有好多人等緊位了

呢到每人都可以選擇自己喜歡的茶🍵
4種不同口味，更有一款岩你😆
我當天揀了人蔘烏龍
選好就放入自己專屬的小茶壺
再加適量的熱水
即可飲用！味道帶甘香
自己沖自己飲，都幾得意😁

●藍莓山藥
頭盤我就叫了個籃莓山藥
剛上菜嘅時候，我還以為上錯了甜品🙈
煙霧彌漫，很有仙氣
睇真小小原來係山藥😆😆
口感爽脆！味道清涼
配合藍莓醬同南瓜蓉一齊食
口感豐富，而且健康

●魔鬼天使小籠包
一黑一白好特別
除了顏色唔同，內裏餡料都唔一樣！
黑色：墨魚汁皮+黑蒜肉+豬肉+海膽。
白色：帶子+豬肉+魚子醬
皮薄多汁，味道岩岩好！
同傳統小籠包味道唔一樣😁
新口味😘值得一試

●手撕雞冷麵
因為夏天好熱
所以我想吃點冰涼的❄️
就叫了這個手撕雞冷麵
夏天食冷麵真係特別開胃😋

●帶子粒粒炒飯
這個帶子粒粒炒飯看顏色已經知道好入味
而且好夠鑊氣，每粒飯都炒到粒粒分明
而且帶子份量特別多！😋😋
仲有我最鍾意食嘅臘腸
叫多幾碟我都可以食得晒😆

●芒果酒釀丸子
食落有桂花幽香
酒香亦恰到好處
配搭新鮮芒果增加風味😋
而且芒果鮮甜好味

●奶黃高力配雪糕
我其實唔知道咩野叫高力🙈
見個menu 有個手指公
味道應該不錯就叫個來試一下
之後上網查閱
原來高力是京菜一種
外皮由蛋白和麵粉做成加入餡料
再放到油鍋炸而成
外皮鬆軟，配上糖霜和奶黃錎味道剛好
不會太甜
雪糕可以揀雲呢拿味和曲奇味
當天揀了曲奇味
味道非常濃郁😋😋
可以食到一粒粒的曲奇
加上朱古力一齊食實在太幸福了